Χαρις ὑμιν,
I've just emailed everyone the following reading practice in MSWord format. However, I know at least one of you can't open Word docs, and I can't convert it to pdf right now, so here it is on the blog!
ΚΑΤΑ ΙΩΑΝΝΗΝ 10
Ἀμην ἀμην λεγω ὑμιν, ὁ μη εἰσερχομενος δια της θυρας εἰς την αὐλην των προβατων, ἀλλα ἀναβαινων ἀλλαχοθεν, ἐκεινος κλεπτης ἐστι και λῃστης· ὁ δε εἰσερχομενος δια της θυρας ποιμην ἐστι των προβατων. τουτῳ ὁ θυρωρος ἀνοιγει, και τα προβατα της φωνης αὐτου ἀκουει, και τα ἰδια προβατα καλει κατ᾽ ὀνομα και ἐξαγει αὐτα. και ὁταν τα ἰδια προβατα ἐκβαλῃ, ἐμπροσθεν αὐτων πορευεται, και τα προβατα αὐτῳ ἀκολουθει, ὁτι οἰδασι την φωνην αὐτου· ἀλλοτριῳ δε οὐ μη ἀκολουθησωσιν, ἀλλα φευξονται ἀπ᾽ αὐτου, ὁτι οὐκ οἰδασι των ἀλλοτριων την φωνην. Ταυτην την παροιμιαν εἰπεν αὐτοις ὁ ᾿Ιησους· ἐκεινοι δε οὐκ ἐγνωσαν τινα ἠν ἃ ἐλαλει αὐτοις. Εἰπεν οὐν παλιν αὐτοις ὁ ᾿Ιησους· ἀμην ἀμην λεγω ὑμιν ὁτι ἐγω εἰμι ἡ θυρα των προβατων. παντες ὁσοι ἠλθον προ ἐμου, κλεπται εἰσι και λῃσται· ἀλλ᾽ οὐκ ἤκουσαν αὐτων τα προβατα. ἐγω εἰμι ἡ θυρα· δι᾽ ἐμου ἐαν τις εἰσελθῃ, σωθησεται, και εἰσελευσεται και ἐξελευσεται, και νομην εὑρησει. ὁ κλεπτης οὐκ ἐρχεται εἰ μη ἵνα κλεψῃ και θυσῃ και ἀπολεσῃ· ἐγω ἠλθον ἵνα ζωην ἐχωσι και περισσον ἐχωσιν. ἐγω εἰμι ὁ ποιμην ὁ καλος. ὁ ποιμην ὁ καλος την ψυχην αὐτου τιθησιν ὑπερ των προβατων· ὁ μισθωτος δε και οὐκ ὢν ποιμην, οὑ οὐκ εἰσι τα προβατα ἰδια, θεωρει τον λυκον ἐρχομενον και ἀφιησι τα προβατα και φευγει· και ὁ λυκος ἁρπαζει αὐτα και σκορπιζει τα προβατα. ὁ δε μισθωτος φευγει, ὁτι μισθωτος ἐστι και οὐ μελει αὐτῳ περι των προβατων. ἐγω εἰμι ὁ ποιμην ὁ καλος, και γινωσκω τα ἐμα και γινωσκομαι ὑπο των ἐμων, καθως γινωσκει με ὁ πατηρ κἀγω γινωσκω τον πατερα, και την ψυχην μου τιθημι ὑπερ των προβατων. και ἀλλα προβατα ἐχω, ἃ οὐκ ἐστιν ἐκ της αὐλης ταυτης· κἀκεινα με δει ἀγαγειν, και της φωνης μου ἀκουσουσι, και γενησεται μια ποιμνη, εἷς ποιμην. δια τουτο ὁ πατηρ με ἀγαπᾳ, ὁτι ἐγω τιθημι την ψυχην μου, ἵνα παλιν λαβω αὐτην. οὐδεις αἰρει αὐτην ἀπ᾽ ἐμου, ἀλλ᾽ ἐγω τιθημι αὐτην ἀπ᾽ ἐμαυτου· ἐξουσιαν ἐχω θειναι αὐτην, και ἐξουσιαν ἐχω παλιν λαβειν αὐτην· ταυτην την ἐντολην ἐλαβον παρα του πατρος μου.
Σχισμα οὐν παλιν ἐγενετο ἐν τοις ᾿Ιουδαιοις δια τοὺς λογους τουτους. ἐλεγον δε πολλοι ἐξ αὐτων· δαιμονιον ἐχει και μαινεται· τι αὐτου ἀκουετε; ἀλλοι ἐλεγον· ταυτα τα ῥηματα οὐκ ἐστι δαιμονιζομενου· μη δαιμονιον δυναται τυφλων ὀφθαλμοὺς ἀνοιγειν;
᾿Εγενετο δε τα ἐγκαινια ἐν τοις ῾Ιεροσολυμοις, και χειμων ἠν· και περιεπατει ὁ᾿Ιησους ἐν τῳ ἱερῳ ἐν τῃ στοᾳ του Σολομωντος. ἐκυκλωσαν οὐν αὐτον οἱ ᾿Ιουδαιοι και ἐλεγον αὐτῳ· ἑως ποτε την ψυχην ἡμων αἰρεις; εἰ σὺ εἰ ὁ Χριστος, εἰπε ἡμιν παρρησιᾳ. ἀπεκριθη αὐτοις ὁ ᾿Ιησους· εἰπον ὑμιν, και οὐ πιστευετε· τα ἐργα ἃ ἐγω ποιω ἐν τῳ ὀνοματι του πατρος μου, ταυτα μαρτυρει περι ἐμου· ἀλλ᾽ ὑμεις οὐ πιστευετε· οὐ γαρ ἐστε ἐκ των προβατων των ἐμων, καθως εἰπον ὑμιν. τα προβατα τα ἐμα της φωνης μου ἀκουει, κἀγω γινωσκω αὐτα, και ἀκολουθουσι μοι, κἀγω ζωην αἰωνιον διδωμι αὐτοις, και οὐ μη ἀπολωνται εἰς τον αἰωνα, και οὐχ ἁρπασει τις αὐτα ἐκ της χειρος μου. ὁ πατηρ μου, ὃς δεδωκε μοι, μειζων παντων ἐστι, και οὐδεις δυναται ἁρπαζειν ἐκ της χειρος του πατρος μου. ἐγω και ὁ πατηρ ἑν ἐσμεν.
᾿Εβαστασαν οὐν παλιν λιθους οἱ ᾿Ιουδαιοι ἵνα λιθασωσιν αὐτον. ἀπεκριθη αὐτοις ὁ ᾿Ιησους· πολλα καλα ἐργα ἐδειξα ὑμιν ἐκ του πατρος μου· δια ποιον αὐτων ἐργον λιθαζετε με; ἀπεκριθησαν αὐτῳ οἱ ᾿Ιουδαιοι λεγοντες· περι καλου ἐργου οὐ λιθαζομεν σε, ἀλλα περι βλασφημιας, και ὁτι σὺ ἀνθρωπος ὢν ποιεις σεαυτον Θεον. ἀπεκριθη αὐτοις ὁ ᾿Ιησους· οὐκ ἐστι γεγραμμενον ἐν τῳ νομῳ ὑμων, ἐγω εἰπα, θεοι ἐστε; εἰ ἐκεινους εἰπε θεους, προς οὓς ὁ λογος του Θεου ἐγενετο, και οὐ δυναται λυθηναι ἡ γραφη, ὃν ὁ πατηρ ἡγιασε και ἀπεστειλεν εἰς τον κοσμον, ὑμεις λεγετε ὁτι βλασφημεις, ὁτι εἰπον, υἱος του Θεου εἰμι; εἰ οὐ ποιω τα ἐργα του πατρος μου, μη πιστευετε μοι· εἰ δε ποιω, καν ἐμοι μη πιστευητε, τοις ἐργοις πιστευσατε, ἵνα γνωτε και πιστευσητε ὁτι ἐν ἐμοι ὁ πατηρ κἀγω ἐν αὐτῳ.
᾿Εζητουν οὐν παλιν πιασαι αὐτον· και ἐξηλθεν ἐκ της χειρος αὐτων.
Και ἀπηλθε παλιν περαν του ᾿Ιορδανου, εἰς τον τοπον ὁπου ἠν ᾿Ιωαννης το πρωτον βαπτιζων, και ἐμεινεν ἐκει. και πολλοι ἠλθον προς αὐτον και ἐλεγον ὁτι ᾿Ιωαννης μεν σημειον ἐποιησεν οὐδεν, παντα δε ὁσα εἰπεν ᾿Ιωαννης περι τουτου, ἀληθη ἠν. και ἐπιστευσαν πολλοι ἐκει εἰς αὐτον.
Ἰακωβος
No comments:
Post a Comment